ജനപ്രിയ മലയാളം ടെലിവിഷന്‍ ചാനലുകള്‍, ജനപ്രിയ പരിപാടികള്‍ – ടിആര്‍പ്പി ബാര്‍ക്ക് 31
ജന്മാഷ്ട്ടമി അവധി ആയതുകൊണ്ട് ഏറ്റവും പുതിയ ടിവി ടിആര്‍പ്പി റിപ്പോര്‍ട്ട് വെള്ളിയാഴ്ച്ച ആണ് പുറത്തു വന്നത്, ഒന്നാം സ്ഥാനത്ത് അചഞ്ചലമായി ഏഷ്യാനെറ്റ്‌ നിലയുറപ്പിക്കുന്നു. രണ്ടാം സ്ഥാനത്തിനു വേണ്ടിയുള്ള പോരാട്ടം കനക്കുകയാണ്, മഴവില്‍ മനോരമ , സൂര്യാ ടിവി , ഫ്ലവേര്‍സ് ചാനല്‍ എന്നിവര്‍ തമ്മില്‍ കടുത്ത മത്സരം കാഴ്ച വെയ്ക്കുകയാണ്. മഴവില്‍ മനോരമ അടുത്ത തിങ്കള്‍ മുതല്‍ സൂര്യകാന്തി എന്നൊരു പുതിയ പരമ്പര ആരംഭിക്കുകയാണ്. ഓണം പ്രീമിയര്‍ ചലച്ചിത്രങ്ങളുടെ ലിസ്റ്റ് മഴവില്‍ മനോരമ പുറത്തു വിട്ടു കഴിഞ്ഞു , രജീഷ വിജയന്‍ നായികയായ ഫൈനല്‍സ് സിനിമയുടെ പ്രീമിയര്‍ ഓണനാളുകളില്‍ മഴവില്‍ മനോരമയില്‍ പ്രതീക്ഷിക്കാം.
ബാര്‍ക്ക് 31 ടിആര്‍പ്പി
| ചാനല്‍ | ആഴ്ച്ച 31 | ആഴ്ച്ച 30 | ആഴ്ച്ച 29 | ആഴ്ച്ച 28 |
| അമൃത ടിവി | 82 | 105 | 70 | 90 |
| ഏഷ്യാനെറ്റ്‌ | 758 | 874 | 864 | 796 |
| കൈരളി ടിവി | 130 | 168 | 135 | 130 |
| സൂര്യ ടിവി | 299 | 308 | 312 | 259 |
| മഴവില്‍ മനോരമ | 269 | 309 | 279 | 247 |
| ഫ്ലവേര്‍സ് | 294 | 281 | 269 | 281 |
| സീ കേരളം | 194 | 220 | 205 | 219 |
| ചാനല്‍ | ആഴ്ച്ച 31 | ആഴ്ച്ച 30 | ആഴ്ച്ച 29 | ആഴ്ച്ച 28 |
| ഏഷ്യാനെറ്റ്‌ ന്യൂസ് | 229.85 | 225 | 248.06 | 272.53 |
| 24 ന്യൂസ് | 177.25 | 180 | 187.64 | 217.25 |
| മനോരമ ന്യൂസ് | 145.98 | 136 | 122.87 | 151.72 |
| മാതൃഭൂമി ന്യൂസ് | 89.35 | 102 | 101.03 | 115.31 |
| ജനം ടിവി | 90.16 | 69 | 70.16 | 79.39 |
| കൈരളി ന്യൂസ് | 42.09 | 44.26 | 53.62 | 35.58 |
| ന്യൂസ് 18 കേരളം | 46.98 | 41.40 | 50.92 | 46.72 |
| മീഡിയ വണ്‍ | 36.51 | 38.54 | 43.49 | 42.44 |
പുതിയ മലയാളം ടിവി പരിപാടികള്‍
സൂര്യാ ടിവിയില്‍ ഉടന്‍ ആരംഭിക്കുന്ന മൊഴിമാറ്റ ഭക്തി പരമ്പരയാണ് ആദിപരാശക്തി , ദംഗൽ ടിവിയുടെ ദേവി ആദി പരാശക്തി ചാനല്‍ മലയാളത്തില്‍ അവതരിപ്പിക്കുന്നു. മോഹന്‍ലാല്‍ നായകയായ ബിഗ്‌ ബ്രദര്‍ സിനിമയുടെ ആദ്യ ടെലിവിഷന്‍ സംപ്രേക്ഷണം ചാനല്‍ ഞായര്‍ , 16 ഓഗസ്റ്റ് വൈകുന്നേരം 6:30 മണിക്ക് ചെയ്യുകയാണ്. ബാര്‍ക്ക് 31 റേറ്റിംഗ് റിപ്പോര്‍ട്ട് അനുസരിച്ച് സിനിമകള്‍ തന്നെയാണ് സൂര്യാ ടിവിക്ക് വേണ്ടി കൂടുതല്‍ പോയിന്‍റുകള്‍ കരസ്ഥമാക്കിയത്.
പാടാത്ത പൈങ്കിളി – സുധീഷ്‌ ശങ്കര്‍ സംവിധാനം ചെയ്യുന്ന പുതിയ പരമ്പര എഴുതുന്നത് ദിനേശ് പള്ളത്ത് ആണ്. പുതുമുഖ താരങ്ങള്‍ മനീഷ , സൂരജ് എന്നിവര്‍ പ്രധാന വേഷങ്ങള്‍ ചെയ്യുന്നു. ഇവരെകൂടാതെ പ്രേം പ്രകാശ് , ദിനേശ് പണിക്കര്‍, അംബിക മോഹന്‍, അഞ്ജിത എന്നിവരും വേഷമിടുന്നു. സ്വാതന്ത്രിദിനത്തിൽ ഗീതാ ഗോവിന്ദം സിനിമയുടെ പ്രീമിയര്‍ മലയാളികള്‍ക്കായി ഏഷ്യാനെറ്റ്‌ ചാനല്‍ ഒരുക്കുന്നു.
