എല്ലാ ശനി , ഞായർ ദിവസങ്ങളിലും രാത്രി 08:00 മണിക്ക് സ്റ്റാര്‍ട്ട് മ്യൂസിക് സീസൺ 4
തെന്നിന്ത്യയാകെ തരംഗമായി പടരുന്ന ടെലിവിഷന്‍ മ്യൂസിക് ഗെയിംഷോ സ്റ്റാര്‍ട്ട് മ്യൂസിക് സീസൺ 4 ഏഷ്യാനെറ്റിൽ ആരംഭിക്കുന്നു. ജനപ്രിയ താരങ്ങളും സെലിബ്രിറ്റികളും മത്സരാർത്ഥികളായി പങ്കെടുക്കുന്ന സ്റ്റാര്‍ട്ട് മ്യൂസിക് – ആരാദ്യം പാടും എന്ന ഷോയില്‍ പ്രേക്ഷകരെ ഹരം പിടിപ്പിക്കുന്ന വിഭവങ്ങളും വേണ്ടുവോളം നിറച്ചിട്ടുണ്ട്.
സ്റ്റാര്‍ട്ട് മ്യൂസിക് സീസൺ 4 – ആദ്യ എപ്പിസോഡുകളിൽ എത്തുന്നത് ബിഗ് ബോസ് സീസൺ 4 മത്സരാര്ഥികളായ ഡോ റോബിൻ , ജാസ്മിൻ എം മൂസ , നിമിഷ , ഡെയ്സി ഡേവിഡ് , നവീൻ അറക്കൽ . അഖിൽ , ശാലിനി , നവീൻ മാധവ് എന്നിവരാണ്.
| ഷോ | സ്റ്റാര്‍ട്ട് മ്യൂസിക് സീസൺ 4 – ആരാദ്യം പാടും |
| ചാനല്‍ | ഏഷ്യാനെറ്റ് , ഏഷ്യാനെറ്റ് എച്ച് ഡി , ഏഷ്യാനെറ്റ് മിഡില്‍ ഈസ്റ്റ്‌ |
| ലോഞ്ച് | ശനി , ജൂൺ 25 |
| സംപ്രേക്ഷണ സമയം | ശനി – ഞായര്‍ രാത്രി 08:00 |
| അവതാരകര്‍ | അനൂപ്‌ , ആര്യ |
മലയാളം ഗെയിം ഷോകള്‍
നര്‍മ്മ മുഹൂര്‍ത്തങ്ങളും ആഘോഷ നിമിഷങ്ങളും പ്രേക്ഷകരെ ഉദ്വോഗത്തിന്‍റെ മുള്‍മുനയിൽ നിര്‍ത്തുന്ന ഘട്ടങ്ങളും ജനപ്രിയ ഗാനങ്ങളും ഉള്‍പ്പെടെ മലയാളികള്‍ക്ക് ഒരു കാഴ്ചസദ്യ ഒരുക്കുകയാണ് സ്റ്റാര്‍ട്ട് മ്യൂസിക് 4 ഷോയിലൂടെ ഏഷ്യാനെറ്റ്. നൂതന സാങ്കേതിക വിദ്യകള്‍ സമന്വയിപ്പിച്ച് ഒരുക്കിയ പടുകൂറ്റൻ സെറ്റിലാണ് പരിപാടിയുടെ ചിത്രീകരണം നടക്കുന്നത്. ബിഗ് ബോസ് ഫെയിമുകളായ അനൂപും ആര്യയും അവതാരകരായി എത്തുന്നു .
എന്റർടൈൻമെന്റിന്റെ അതിഗംഭീര നിമിഷങ്ങളുമായി ഫാസ്റ്റസ്റ്റ് ഫാമിലി ഫസ്റ്റ് – അടിമോനെ ബസർ 2 ജൂലൈ 4 തിങ്കളാഴ്ച മുതൽ തിങ്കൾ – വെള്ളി വരെ രാത്രി 09.30 നു ഏഷ്യാനെറ്റിൽ.
സ്റ്റാര്‍ട്ട് മ്യൂസിക് 4 ഷോയുടെ ഔദ്യോഗികമായി ഉദ്‌ഘാടനം നിർവഹിച്ചത് പ്രശസ്ത ചലച്ചിത്രതാരം അനു സിത്താരയാണ് സ്റ്റാർ സിങ്ങർ സീസൺ 8 വിന്നർ റിതു കൃഷ്ണ മത്സരങ്ങൾ ഫ്ലാഗ് ഓഫ് ചെയ്തു.ആദ്യ എപ്പിസോഡുകളിൽ എത്തുന്നത് ബിഗ് ബോസ് സീസൺ 4 മത്സരാര്ഥികളാണ് . വേറിട്ട ദൃശ്യചാരുതയുമായെത്തുന്ന സ്റ്റാര്‍ട്ട് മ്യൂസിക് സീസൺ 4 ജൂൺ 25 മുതൽ എല്ലാ ശനി , ഞായർ ദിവസങ്ങളിലും രാത്രി 8 മണി മുതൽ സംപ്രേക്ഷണം ചെയ്യുന്നു.
